首頁   討論區目錄   搜尋   會員列表   會員群組   個人資料    會員註冊  登入檢查私人訊息   銀行   相簿   登入   
全球首部 Volvo Olympian 11m (長文, 多圖注意)
文章編號 t#2081

 
發表新主題   回覆主題    眾言坊 首頁 -> 模型及玩具(G5)
上一篇主題 :: 下一篇主題  
發表人 內容
魔法先生SuperBus! (#48)



註冊時間: 2006-06-01
文章: 326
來自: 麻帆良學園市
906.99 願子

發表發表於: 星期四 四月 14, 2011 4:38 pm    文章主題: 全球首部 Volvo Olympian 11m (長文, 多圖注意) (p#6455) 引言回覆


(麻帆良市時報記者 / 桜高輕音部記者琴吹 紬報導)
大家好, 我係桜高輕音部o既琴吹 紬, 小妹第一次為大家報導新聞, 請大家多多指教同支持喔~ ♥

由英國 Leyland 車廠於 1970 年代末開發同生產o既 Olympian 雙層巴士,
叱咤英國本土同海外市場, 成為 Leyland 引以為榮o既巴士車款,
儘管 Leyland 巴士o係 1988 年被 Volvo 收購,
但係要直到 1993 年所有 Leyland Olympian 巴士o既訂單完成之後先至關閉利蘭巴士生產線,
而後來 Volvo 亦o係原 Leyland Olympian o既底盤上作出改良,
是為 Olympian MKII, 再以 Volvo Olympian o既名字推出市場,
可見 Volvo 亦深深明白到 Olympian 呢款車o係巴士市場上o既重要性,
亦係為 Volvo o係海外, 特別係香港同新加坡o既巴士市場上,
繼 Leyland 之後成為巴士市場一龍頭o既關鍵車款,
同 Leyland 時代o既 Olympian 比較, Volvo Olympian o既機械和車身設計都沿用舊有 Leyland 時代o既一套,
但係 Volvo Olympian 底盤有六成部件係使用 Volvo 原廠出品,
包括改良儀錶板, 輪圈, 制動, 懸掛同轉向系統, 並且與同廠o既貨車零件共用,
引擎方面可以選配 Volvo 原廠o既 TD102KF 引擎, 或者由美國 Cummins 提供o既 LT10 引擎,
後期就全面配以符合 Euro 2 廢氣排放標準o既 D10A 引擎作為標準配搭,
變速系統方面就可以選配 Voith 或者 ZF o既出品

香港作為 Olympian 巴士o既最大海外用家之一,
Volvo 亦o係全面接管 Leyland o既巴士業務之後,
o係 1993 年向九巴率先提供全球首部空調版 3 軸 Olympian 11.3m 樣辦車,
亦係繼 70 年代中巴 Ailsa-Volvo 同九巴 B10MD 之後, Volvo 再度踏足香港巴士市場,
呢架巴士係九巴首部裝有車門壓力感應器o既巴士, 以防有乘客被車門夾倒而受傷,
九巴為佢編號為 AV1, 車牌 FW5572, 並且o係 1994 年投入服務,
行走當時來往太子地鐵站至上環o既 300 號線,
呢條o係 1991 年 5 月誕生o既海隧巴士線,
係為疏導地鐵乘客而開設, 亦係九巴o既皇牌路線,
每逢九巴有新車引進, 都會被派去呢條路線行走,
亦因此成為九巴展示新車o既宣傳路線,
可惜後來因為被指同地鐵荃灣線重疊,
同埋東涌線通車後導致客量大跌而被運輸署勒令停駛,
並且o係 1999年5月 15 日由九巴o係太子地鐵站巴士總站,
為 300 號巴士線作告別儀式,
AV1 o係 300 號線行走左一段時間之後成為九巴荔枝角廠後備車,
o係 6F, 238X 甚至青嶼幹線上出現,
隨住更多新空調巴士投入服務,
AV1 後期被派去行走新界路線例如 85, 87K 同 71A 等路線,
而 AV1 今年已經年屆法定行走年期o既 17 年,
AV1 亦因此將會於今年 7 月正式功成身退

今日, 麻帆良市正式歡迎九巴 AV1 歸隊,
呢部全球首部由 Volvo 推出o既空調版 Olympian,
Super Bus 話記得當初見到佢o既時候,
已經比佢o既外型所吸引, 再加上車頭o既 Volvo 斜間標誌,
凸顯出 Volvo o既高貴形象, 更係九巴o既車隊中絕無僅有,
儘管九巴後來大量引入同款巴士, 呢架 AV1 隨住時間流逝出現細節上o既唔同,
AV1 o既形象始終係唔可以同佢o既後輩相比, 依然係有佢o既獨特個性,
Super Bus 又話, 今年係 AV1 服務o既最後一年,
希望 AV1 退役之後可以被保留並且回復番初出道果陣o既原貌,
等大家可以懷緬一下呢架九巴 Volvo 一哥o既光輝歲月,
只係有冇可能可以成真呢...?

隆重歡迎!! 九巴 AV1, 隆重登場!!




附 80M 海報一張, Extra o既~






証書編號 0332, 全球限量 1000 架


正式落地! 琴吹 紬首度迎接新車登場!!




車頭 Volvo 斜條標誌同車頂高度指示燈, 係 AV1 新落地時o既特色,
可惜同 300 號一樣, 呢D特色已經成為過去














同後輩 AV197 合照




九巴三軸空調巴士之一哥




真車相, 攝於 1994 年旺角聯合廣場門外






小劇場~~~ XDDD

初音上次比巡音o既大八爪魚たこルカ玩到幾乎窒息,
仲攪到成身八爪魚味, 攪到初音當日沖左十次涼D味先至冇咁勁...
今日麻帆良市又有新車到, 自然要o黎巡例檢查啦...

(初音) Holy Crap!! 上次真係比隻八爪魚玩死,
明知我怕八爪魚, Super Bus 一早應該立例禁止入口同飼養八爪魚啦!
Hmmm~~~呢架九巴...又唔錯啵, 但係叫乜鬼 AV1...
起呢個 Code o既人都唔知係咪睇D A片睇得多,
連呢架車個 Code 都要叫 AV, D男人真係 (Super Bus 按: 各位男生們, 失禮啦... ^^" )


呢個時候, 初音發現地下有本野...


原來係 Super Bus 漏低左本巴士維修手册


於是初音叫 Super Bus 過o黎...
(初音) 喂, Super Bus, 呢本書係咪你o架? 你D野成日都週圍咁 Pet 冇o黎手尾...
(Super Bus) 唉吔唔好意思, 我頭先刨刨下本說明書人有三急去左廁所呀嘛~~


正當初音將本巴士維修手册遞比 Super Bus, 赫然有物件由書入面跌出


細看之下, 原來竟然係......


初音拎起盒 DVD, 滿面怒火怒視 Super Bus......
(初音) SUUUUUUUPEEEEEEERRRRRRR BUUUUUUUUSSSSSSS~~~~~~~~~~~~~~~~~~!!!!!!!!!!!!
(Super Bus) 呀......我......我唔知點解會有呢隻 DVD 夾左o係入面o架.....真o架~~~~~~


(初音) 狡辯無用!! 你呢個超級大色龜, 唔怪得晚晚都聽到你間房入面興合合啦!!!
仲要開到咁鬼大聲, 嘈住哂我訓覺呀!! 真係非打不可, 我淒!!!


(Super Bus) 嗚嘩嘩嘩嘩嘩嘩~~~~~~又打我???!!! (>O<)


(以上小劇場純粹玩笑, 希望版主們唔好介意... ^^ )

Thanks for reading~ ^^
_________________
回頂端
檢視會員個人資料 發送私人訊息 發送電子郵件
從之前的文章開始顯示:   
發表新主題   回覆主題    眾言坊 首頁 -> 模型及玩具(G5) 所有的時間均為 香港時間 (GMT + 8 小時)
1頁(共1頁)

 
前往:  
無法 在這個版面發表文章
無法 在這個版面回覆文章
無法 在這個版面編輯文章
無法 在這個版面刪除文章
無法 在這個版面進行投票

Powered by phpBB © 2001, 2005 phpBB Group