首頁   討論區目錄   搜尋   會員列表   會員群組   個人資料    會員註冊  登入檢查私人訊息   銀行   相簿   登入   
兩軸雙層再臨香江 (長文, 多圖注意)
文章編號 t#2088

 
發表新主題   回覆主題    眾言坊 首頁 -> 模型及玩具(G5)
上一篇主題 :: 下一篇主題  
發表人 內容
魔法先生SuperBus! (#48)



註冊時間: 2006-06-01
文章: 326
來自: 麻帆良學園市
906.99 願子

發表發表於: 星期五 六月 17, 2011 4:04 pm    文章主題: 兩軸雙層再臨香江 (長文, 多圖注意) (p#6463) 引言回覆


(麻帆良市時報記者 / 桜高輕音部記者琴吹 紬報導)
自 1980 年代三軸巴士開始喺香港大行其道,
香港嘅巴士公司都傾向購買三軸雙層巴士, 服務客量需求較高嘅路線,
至 80 年代末第一架試驗成功嘅空調雙層巴士, 都係離唔開三軸車嘅框子,
於 1990 年代開始, 九巴開始購入 11m 三軸空調雙層巴士, 為旗下部分路線提供空調化服務,
但係由於一D路線唔適合 11m 車行走, 加上基於運輸署嘅車輛總重限制,
所以儘管九巴引入車身較短, 只有 10m 嘅空調雙層巴士, 都依然要以三軸形式出現,
以免因為當時巴士使用 3+2 座位格局喺滿載時嘅重量, 加上車尾空調機嘅額外重量,
對車軸構成負荷, 直至 2010 年, 呢個現象開始出現轉變...

由於乘客追求有舒適嘅乘坐環境, 現時嘅新款巴士都採用 2+2 式嘅座位編排,
所以就算一架 12m 三軸巴士, 總載量亦比 20 多年前嘅 12m 車少一截,
再加上目前雙層巴士空調機設計嘅改良同引擎輕量化,
而且低地台設計同直樓梯等設備亦令可載客空間進一步減少,
好多方面亦顯示出, 兩軸設計嘅空調雙層巴士設計其實係可行嘅,
問題只係香港運輸署呢一關而己...

經過幾番波折, 由英國 Alexander Dennis Ltd. (ADL) 特别炮製嘅空調版 Enviro 400,
終於正式登場, 兩部樣辦車分別由九巴同城巴接收,
而運輸暑亦特准以貨車沿用嘅 18 噸規格比佢地出牌,
雖然 Enviro 400 呢款巴士其實都唔算係乜野新車,
喺英國更加可以話係隨處可見, 但係喺香港出現就真係實屬首次,
配有空調設備嘅 E400 更加係香港獨有,
同時亦標誌住兩軸雙層巴士闊別廿載之後,
喺今日以另一個新嘅形式再現香港

空調版 E400 同英國常見嘅 E400 有好多好大分別,
只有車頭仲有一D英國 E400 嘅影子, 其他嘅, 真係一言難盡,
首先佢底盤係由英國嘅 10.1m 版 E400 引申而來, 但係因為要搭載體積較大嘅引擎同埋空調機,
令尾跨較英國版嘅長, 加上巴士公司希望巴士車身嘅部件盡量同香港常見嘅 E500 睇齊,
最終令車身全長達 10.5m, 引擎水箱移至右邊車尾, 亦同英國版嘅位置相反,
另外 E400 喺英國嘅特色--特別設計嘅樹擋, 雖然亦有喺香港版 E400 出現,
但係應九巴要求, 巴士喺驗車出牌前已經被拆除, 只有城巴嘅一部,
因為行走嘅路線關係而獲得保留

九巴嘅 Enviro 400 使用同目前新一批 Enviro 500 Euro 5 標準嘅 Cummins ISLe 引擎,
(英國版用嘅引擎係容積較細嘅型號), 不過同英國嘅 E400 一樣使用橫置式設計,
而且因為兩軸巴士嘅關係, 車身長度同重量亦比 Enviro 500 短左同輕左,
所以引擎馬力亦被調低 20 匹至 320 匹, 配用 ZF 6AP1403B 6前速 Ecolife 自動波箱, 仲設有全碟式制動,
亦係九巴車隊入面首部兩軸低地台空調雙層巴士, 編號 ATSE1, 目前行走 606 東隧過海線,
隨住城巴接收第二部 Enviro 400 樣辦車, 城巴已經訂購左 38 架新車,
以取替車隊入面年事已高嘅 Leyland 同 Volvo Olympian 10.4m,同埋 Dennis Dragon 10.3m,
而港鐵亦已經訂購左 9 架 E400 新車, 準備取代車隊入面已服役接近 17 年嘅 Volvo B10M 同 Dennis Dart,
至於九巴會唔會向 ADL 加訂 Enviro 400 新車, 目前仲係未知之數

今日麻帆良市亦宣佈九巴空調 E400 兩軸巴士隆重登場!
呢款早喺英國成行成市嘅車款, 雖然對市長 Super Bus 嚟講可謂毫不陌生,
但係以空調版規格喺香港路面出現卻係破天荒之舉,
亦為週街都係 E500 嘅香港巴士界帶來一點新鮮感,
Super Bus 仲話, 雖然港版 E400 外型同英國嘅有大分別,
但係亦有自己嘅另一個獨特個性, 而且某程度上感覺亦比英國版更型更順眼,
當然如果九巴果架可以保留樹擋嘅話就更加有 E400 嘅個性啦!

隆重歡迎! 九巴首架 空調 Enviro 400, 見參!!


隨城巴 Volvo B10M 一齊到埗






證書編號 1109, 全球限量 2200 架


正式落地! 等梓貓嚟歡迎你啦~!!


















"官方" ADL 照~ XD


英國版 E400 同香港版 E400


大家都係 10.1m 底盤, 但係英國版 E400 同香港版 E400 又有乜野唔同呢? 一於來一個對比先~




港版 E400 因為車尾有冷氣機, 加上引擎體積較大, 所以尾跨亦長左






再同 E500 嚟個對比








E400 車尾帶有強烈嘅 E500 影子







小劇場~ XDD

因為 Super Bus 經常入 E500, 令 E500 嘅數目達 13 部之多,
令初音大嗌厭到嘔, 曾經聲言要見一架拆一架,
今日麻帆良市新到呢架雖然係 E400, 但係因為佢同 E500 始終係同一家親,
初音亦睇唔上眼......

(初音) Super Bus 呢條人粉, 又話呢架係 E400,
但係點睇架車又有D似 E500, 佢真係鍾意 Enviro 鍾意到上哂腦,
今次一於等我同呢架車鬆鬆骨!


就喺初音準備開工之際, 琴吹 紬捧住一盆美點過嚟...
(琴吹) 哈啦~~初音又要開工呀? 真係辛苦咯, 不如坐低飲杯茶食個蛋糕先啦~~
(初音) 吓~我都唔多食茶點嘅, 多謝啦~


(琴吹) 嚟啦, 妳呢排成日幫人拍廣告, 又開演唱會咁頻撲,
依家仲要幫人整車, 仲唔夠辛苦咩?
呢D蛋糕我自己整o架, 不如休息一陣食番件先啦~


(初音) 唔......又好, 見件蛋糕睇落又幾好味咁, 咁我唔客氣啦~

講完, 初音就隨手拎起一件蛋糕...
(初音) 唔~~~~~~好味好味~~~~~~


5 mins later......


(初音) zzzzzz......zzzzzz......zzzzzz......


(琴吹) Super Bus! 餐士! 快D揸走架車去啦~!
(Super Bus) 吓! 妳...妳對初音做過D乜野嚟呀??
(琴吹) o~~~我喺D蛋糕入面落左D家傳秘方嘅迷藥之嘛,
無色無味無臭, 只要落少少, 5分鐘立即見效, 醒番之後就好似乜事都冇發生過咁,
唔好講咁多, 快D開走架車先啦, 呢度我睇住得o架啦~ ♥
(秋山 澪) 小紬妳咁做會唔會過火左D呀~~~?? oAo
(Super Bus)......(巨汗)


Thanks for reading~ ^^
_________________
回頂端
檢視會員個人資料 發送私人訊息 發送電子郵件
從之前的文章開始顯示:   
發表新主題   回覆主題    眾言坊 首頁 -> 模型及玩具(G5) 所有的時間均為 香港時間 (GMT + 8 小時)
1頁(共1頁)

 
前往:  
無法 在這個版面發表文章
無法 在這個版面回覆文章
無法 在這個版面編輯文章
無法 在這個版面刪除文章
無法 在這個版面進行投票

Powered by phpBB © 2001, 2005 phpBB Group